Oriela Nebiaj e cila mban statusin e deputetes në Parlamentin shqiptar është komentuar së fundmi se do të jetë opinioniste e sezonit të tretë të Big Brother VIP, në Top Channel.
Ajo ka folur vetë lidhur me këtë lajm, si dhe për rikthimin e saj në televizion, duke qenë se më para ajo ka moderuar një sërë emisionesh në televizionet shqiptare.
“Më kishte marr malli të them të drejtën se sado që angazhimi politik sigurisht që të mban të angazhuar dhe në media, isha disi më e tërhequr për shkak të situatave politike, në fakt parlamenti nuk e ka kryer të gjithë funksionin e tij. Top Channel është një shtëpi për mua, është një familje, kështu që jam shumë e lumtur që Lori Hoxha dhe Top Channel ma bënë këtë ofertë dhe ishte e vetmja gjë që mund të më rikthente, asnjëherë se kisha menduar, por mendojë që mund të jetë me lehtë duke qenë se është dhe Arber Hajdari opnionisti që tanimë unë mund ta quaj me shumë eksperiencë. Do të kemi dhe debate do të kemi dhe kundërshtime, por do të shkojmë mirë jam e sigurt për këtë”, shprehet Ori Nebiaj.
Ajo thotë se viti 2024 do të jetë viti i saj më i fortë, duke ndarë kohën mes Parlamentit dhe angazhimit të saj në Top Channel.
