Në shkallën e parë të vettingut, gjyqtares së Apelit të Tiranës, Elona Toros i janë zbuluar një sërë shkeljes nga hetimi administrativ. BIRN ka përcjellur seancën, duke deklaruar se shumica në komision nuk i ka konsideruar penalizuese për gjykatësen Elona Toro,disa probleme që konstatoheshin në kriterin e profesionalizmit.
Sipas vendimit të zbardhur të KPK-së, katër nga 5 dosjet e zgjedhura për t’u vëzhguar kanë rezultuar me probleme.
Në katër nga pesë dosjet e vëzhguara mungon vendimi për caktimin e seancës përgatitore dhe në një rast mungon vendimi për caktimin e seancës gjyqësore. Në rastin e nje dosjeje mungon gjithashtu akti për caktimin e gjyqtares për gjykimin e çështjes, si dhe akti i njoftimit të palëve.
Kurse anëtarja e KPK-së, Etleda Ciftja që ka kërkuar shkarimin e Elona Toros ka rradhitur vërejtje që ka marrë gjyqtarja e Apelit të Tiranës nga organet monitoruese të sistemit gjyqësor.“Për vitin 2014 − verifikuar për zvarritje gjyqtares i është tërhequr vëmendja me shkrim për tejkalim të afatit procedural për gjykimin e një kërkese me objekt “kundërshtim veprimesh përmbarimore”.
Për vitin 2015 – një cështje i është verifikuar për shkelje formale ligji, dhe i është regjistruar gjyqtares për efekt vlerësimi profesional dhe etik.
Në konkluzion të rivlerësimit të aftësive profesionale, referuar të dhënave nga burimet arkivore dhe raportit të KLGJ-së mbi vlerësimin e aftësive profesional, denoncimeve nga publiku, si dhe në vlerësimin tërësor të çështjes, unë çmoj se subjekti i rivlerësimit, me shpjegimet dhe provat e paraqitura, nuk ka arritur të provojë të kundërtën e rezultateve të hetimit për rivlerësimin e aftësive profesionale. Subjekti i rivlerësimit ka një mënyrë pune e cila nuk pajtohet me pozicionin e saj dhe nuk arriti të provojë të kundërtën e rezultateve të hetimit mbi zvarritjet e përsëritura të gjykimit dhe të disa shkeljeve ligjore.
Përveç problemeve profesionale gjyqtares së Apelit të Tiranës, Elona Toro iu zbuluan pasuri të pajustifikuara në hetimin amdinsitrativ.
Dhurime parash me hua prej mijëra eurosh të marra tek miqtë të cilat nuk justifikoheshin, sipas anëtares së komisionit tëvettingut Etleda Ciftjes, pasi burimet e parave kanë qenë të pajustifikuara dhe duke bashkuar problemet profesionale Gjyqtarja Elona Toro duhet shkarkuar nga detyra.
Mangësitë profesionale të vlerësuara më lart, së bashku me deklarimin e pamjaftueshëm për vlerësimin e pasurisë , në vlerësimin tërësor plotësojnë kuadrin ligjor për të disponuar masën disiplinore të shkarkimit nga detyra. Për pasojë, subjekti i rivlerësimit duhet të ishte shkarkuar nga detyra nga shumica e trupit gjykues.
Komisioni në shkallën e parë të vettingut ka qenë i ndarë për vendimin e gjyqtares së Apelit të Tiranës Elona Toro, megjithëse shkeljet kanë qenë të shumta.
Deri në javën e parë të tetorit vendimi i KPK duhet apeluar në shkallën e dytë të vettingut nga komisioneri publik, i cili duhet të vihet në lëvizje bazuar dhe në praktikën e deritanishme ku vendimet jo unanime janë apeluar.
Po ashtu Gazeta Reforma vetëm pak ditë më parë solli edhe rastin e gjyqtares Blerona Hasa, anëtare e Gjykatës Administrative të Apelit, e cila ishte kthyer në një “makth” për proceset gjyqësore që i kalonin asaj.
Edhe më parë performanca e saj në punë ishte e një niveli të ulët, por ajo shquhej për zvarritjen e çështjeve që kalonte në shqyrtim, si dhe për mosnxjerrjen e raporteve finale.
