Ditën e djeshme një “valë” protestash ndodhën në disa qytete të Shqipërisë. Kjo ka ndodhur pas anulimit të datës së zgjedhjeve nga presidenti Ilir Meta.
Mbështetës e simpatizantë të opozitës, kanë sulmuar qendrat e KZAZ-ve, ku në Mat pati edhe 2 persona të lënduar nga gazi lotsjellës që hodhi policia për të shpërndarë turmën.
33 persona janë proceduar pelanisht në Mat, pasi kanë tentuar të dëmtojnë materialet zgjedhore dhe të hyjnë në KZAZ 16, në Pallatin e Sportit “Ferit Hysa”, Bashkia Mat dhe KZAZ nr. 17, që ndodhej tek Biblioteka e qytetit, Bashkia Klos.
Mësohet se ata kanë ushtruar forcë e dhunë ndaj Forcave të Rendit dhe Sigurisë, të cilët ruanin këto qendra votimi.
Pas identifikimit të personave me anë të pamjeve filmike dhe fotografike të administruara nga policia, ka arrestuar në flagrancë 9 shtetas:
D., 21 vjeç, banues në Burrel
Xh. Gj., 55 vjeç, banues në Burrel
D., 53 vjeç, banues në Burrel (Punonjës Policie i Bashkisë Burrel).
T., 49 vjeç, banues në Klos
Ç., 44 vjeç , banues në Klos (Administrator i njësisë administarative Suç, Klos)
Gj., 62 vjeç, banues në Klos
L., 38 vjeç, banues në Klos (Përgjegjës i zyrës së ndihmës ekonomike, Klos)
D., 62 vjeç, banues në Klos (punonjës në mirëmbajtjen e rrugës, Klos).
K., 46 vjeç, lindur në Klos e banues në Britaninë e Madhe.
Janë proceduar penalisht në gjendje të lirë 12 shtetas, konkretisht:
D.,B
B. Ç.,
D. V.,
S. K.,
B. C.,
Sh. XH.,
A. B.,
R. K.,
Sh. D.,
J. F.,
K. P.,
E. P.
Si dhe janë shpallur në kërkim 12 shtetas të tjerë.
Materialet hetimore i kaluan Prokurorisë Pranë Gjykatës së Rrethit Gjyqësor Mat, për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Kundërshtimi i punonjësit të Policisë së Rendit Publik” dhe “Dëmtimi me dashje i materialit zgjedhor”.
