Delegacioni rus dhe ai ukrainas nuk ka përfunduar ende, madje tanimë kanë nisur edhe raundin e dytë të bisedimeve.
Ndërkohë një reagim ka ardhur nga presidenti i Ukrainës Volodymyr Zelensky i cili deklaroi se ai dhe njerëzit e tij nuk do të dorëzohen, duke i dërguar në këtë mënyrë edhe një mesazh presidentit rus Vladimir Putin.
Teksa e ka cilësuar situatën e luftës dramatike, Zelensky tha se tashmë koha për ta ka ndalur.
“Ne mbrojmë lirinë dhe vendin tonë. Unë kurrë nuk do t’i dorëzohem rusëve. Koha ka ndaluar për ne. Do të qëndrojmë në këmbë deri në fund”, tha ai.
Referuar bombardimeve, ai gjithashtu i bën thirrje edhe faktorit ndërkombëtar: “Rusët po bombardojnë civilët. Nëse nuk ndalen tani, sa mendoni se do të zgjasim? Deri kur do të durojmë?”.
Gjithashtu po kryhet si një tjetër përpjekje diplomatike kjo për të arritur një marrëveshje armëpushimi, mes sulmeve ruse në Ukrainë.
Ndërkohë nga ana tjetër Ukraina vijon rezistencën kundër pushtimit rus.
Po ashtu edhe këshilltari presidencial ukrainas Mykhailo Podolyak bëri me dije se pikat kryesore të agjendës janë armëpushimi i menjëhershëm si edhe krijimi i korridoreve humanitare për evakuimin e civilëve nga fshatrat apo qytetet e shkatërruara apo të granatuara vazhdimisht.
