Pas disa orësh në SPAK, ish-ministri i Shëndetësisë, Ilir Beqaj foli lidhur me tenderin e sterilizimit, për të cilin akuzohet se ka shpërdoruar detyrën.
“Kirurgët operojnë në kushte sterile, financave i kursen 2.4 ditë qëndrimi në spital”, këto ishin fjalët e Beqajt, duke mbrojtur kështu tenderin e sterilizimit, duke u shprehur se sterilizimi u dha spitaleve mundësi më të mira.
Ai tha për gazetarët se përveç rezervave, ka vendosur që mos të kundërshtojë vendimin.
“Përveç rezervave, kam vendosur që mos të kundërshtojë. Ajo që kemi bërë për shëndetësinë ka qenë një gjë e mirë. Për çështjen në fjalë bëhen 8 vite për çështjen në fjalë. Në këto 8 vite 400 kirurgët operojnë në kushte bashkëkohore, shqiptarët operohen në kushte sterile, dhe në çdo operacion i kursehen qëndrimet në spital”, u shpreh ish-ministri për gazetarët.
