Italia vijon të jetë në krye të tabelës në rang botëror për numrin e viktimave me 18, 849 të vdekur, ndërsa numri i të infektuarve ka shkuar në 147, 577.
Kurba këtë javë ka qenë e paqëndrushme, duke e bërë të vështirë ecurinë e saj nëse do vijoj në rend rritës apo në rend zbritës.
Në këto kushte kryeministri italian Giuseppe Conte ka njoftuar zgjatjen e izolimit deri në 3 maj, duke u shprehur se masat e marra kanë dhënë fryte, por nuk duhet të rrezikojnë, duke çuar në rritjen e numrit të viktimave.
Ndërsa libraritë, dyqanet e veshjeve, lavanderitë dhe aktivitete të tjera prodhuese do të mund të rifillojnë nga 14 prilli.
“Shenjat e kurbës epidemiologjike janë inkurajuese, masat e kontrollit janë duke dhënë fryte. Ne nuk mund të anulojmë përpjekjet e bëra deri më tani. Do të rrezikonim një rritje të viktimave. Nga 14 prilli do të happen libraritë dhe dyqanet për fëmijët. Puna për fazën e dytë, nuk mund të presim që virusi të zhdukë çdo gjë nga territori tonë.
Po punojmë në një program për grupin e ekspertëve dhe masat në punë. Sociologë, prikologë do do dalogojë me komitetin shkencor teknik. Do të kenë mundësi për të rimenduar disa modele të jetës ekonomike-sociale, duhet të krijojmë modele të tjera. Pastaj është edhe protokolli për sigurinë në ambientin e punës. Ekspertët tonë po e integrojnë dhe po e riforcojnë. Ndaj rekomandimi është për të gjithë që të nisin që tani, të shfrytëzojnë këtë mundësi bllokimi për të dezinfektuar ambientet e punës dhe për të implementuar të gjitha masat mbrojtëse. Duhet të mendojmë edhe për mënyrën e re të transportit”, tha Conte.
Në fillim të kësaj jave, qeveria italiane njoftoi ndryshimin e strategjisë për luftën ndaj COVID-19, duke miratuar një plan me 5 pika:
- Distancim social,
- mjete mbrojtëse për të gjithë spitale COVID në të gjithë territorin kombëtar,
- përforcim i rrjeteve shëndetësore lokale,
- studim për të kuptuar sa janë prekur dhe
- një aplikacion, si modeli i Koresë së Jugut, për të verifikuar kontaktet e personave të infektuar.
