Kryeministri Edi Rama ndodhet në qytetin e Fierit, ku veçse ka parë nga afër procesin e vaksinimit të mësuesve, ka gjetur rastin edhe të bëj propagandë. Rama deklaroi se të gjithë mjekët kanë marrë dozën e parë të vaksinës, ndërkohë që kjo nuk është e vërtetë. Shumë mjekë të spitaleve private në vend ende nuk kanë marrë asnjë dozë të vaksinës, ndërsa nuk dihet nëse është vaksinuar edhe çdo mjekë që punon në shtet.
“Duhet ta këpusim zinxhirin e infektimeve. Kjo është aryeja pse vazhdojmë intesivisht përpjekjen për të siguruar vaksina, që të shtrihemi në të gjithë territorin, që përmes një vaksinimi masiv të lehtësojmë ndjeshëm sezonin turistik, të mbrojmë gjyshërit dhe gjyshet. Vaksinimi i të gjitha bluzave të bardha është bërë tanimë me dozën e parë dhe ka nisur doza e tyre. Vazhdojmë me mësuesit.”-ka thënë Rama.
Por nuk ka asnjë shifër publike që ta vërtetojë këtë gjë, po ashtu nuk ka asnjë plan të qartë për vaksinimin. Nga ana tjetër dyshime të tjera janë ngritur për vaksinën AstraZeneca, me të cilën shumë mësues kanë refuzuar të vaksinohen, megjitëhse ata janë detyruar të plotësojnë formular me arsyet pse nuk duan të vaksinohen. Kjo është më shumë si një formë presioni edhe pse është deklaruar se vaksina nuk është e detyrueshme. Ndërkohë, procesi i vaksinimit po ecën me ritme mjaft të ngadalta për shkak se në vend ka mbërritur një sasi jo e madhe e dozave.
