Kryeparlamentari dhe Presidenti në Deetyrë i Kosovës, Glauk Konjufca ka deklaruar se qeveria e zgjedhur e Albin Kurtit do të bëjë padi për genocidin e shtetit serb ndaj popullit të Kosovës. Vetëm pasi kjo të ketë ndodhur do të fillojë edhe dialogu me Serbinë e të gjitha fazat për shtet ndërtimin e Kosovës.
“Qeveria që ka ardhur në krye me kryeministrin Albin Kurti ka premtuar se do t’ia bëjë së pari një padi për gjenocid shtetit të Serbisë, kjo do të ndodhë e para e pastaj edhe për çdo fazë që të jemi të përgatitur që ne t’i kërkojmë të drejtat tona duke filluar ne dialogun me Serbinë e në të gjitha fazat e tjera në shtet ndërtimin e Kosovës”, ka thënë Konjufca.
Presidenti në detyrë deklaroi se Kosova ka tri plagë të hapura për këtë çështje, të gjitha të lidhura me genocidin serb që nga masakra, të zhdukurit dhe mungesa e drejtësisë për familjarët e personave që mbetën të vrarë.
Glauk Konjufca është një nga figurat kryesore të Lëvizjes Vetëvendosje. Në qeverinë e partë të Kurtit ai mbajti detyrën e ministrit të Jashtëm ndërsa në seancën e konstituimit të datës 22 mars u zgjodh edhe kryeparlamentar i Kuvendit të Kosovës.
