Teksa televizioni italian “Rai 3” do të vijojë me publikimin e investigimit të radhës për kampet e refugjatëve në Gjadër dhe intervistën e plotë të zhvilluar me kryeministrin Edi Rama, fakte të reja kanë dalë në skenë. Një intervistë e zhvilluar mes gazetarit të Reporter të ‘RAI 3’ Giogio Muttolo me ish-zëvëndësministrin Arben Ahmetaj, ka treguar rolin jetësor të mafies në ekonominë dhe politikën shqiptare.
Sipas akuzave të ish-zëvendëskryeministrit, Rama kishte marrëdhënie direkte me krerët e klanit. Ahmetaj pretendon se grupet kriminale në Shqipëri i fitojnë kontrata falë udhëheqësve dhe pastrojnë para përmes ndërtimit. Ndër të tjera ai ka treguar me emra dy prej perzonazheve pjesë e mafies, të cilët pretendon se koordinohen me Ramën dhe janë në mbrojtje të tij. Por përveç deklaratave dhe fakteve të forta që sjell Ahmetaj, një detaj tjetër bie në sy sa i përket mënyrës si është zhvilluar intervista.
Në artikullin e medias italiane “Il fatto quotidiano”, e cila publikoi pjesë nga intervista e zhvilluar nga gazetari i Rai3, ish-zëvëndëskryeministri shihet në një restorant, duke darkuar dhe me një gotë verë para tij. Nuk është e qartë se në çfarë kushtesh është intervistuar Ahmetaj, por me imazhin e publikuar mund të jetë filmuar fshehurazi.
Kjo si pasojë e mënyrës së investigimit nga gazetari italian Giogio Muttolo, ose për faktin se ish-zv.kryeministri ndodhet në arrati. Gjithsesi gjithçka pritet të zbulohet me publikimin e investigimit të radhës në emisionin “Report” në televizionin ‘Rai3’
