Luftimet midis forcave të sigurimit të Mianmarit dhe fshatarëve të armatosur me katapultë dhe harqe në rajonin e deltës së lumit Ayeyarëady kanë lënë të paktën tre persona të vdekur, thanë mediat shtetërore – edhe pse media lokale raportoi se gati 20 njerëz ishin vrarë.
Lajmet e televizionit shtetëror thanë se tre “terroristë” ishin vrarë dhe dy u arrestuan të shtunën në fshatin Hlaysëe ndërsa forcat e sigurisë shkuan për të arrestuar një burrë të akuzuar për komplot kundër shtetit.
Një zëdhënës i qeverisë ushtarake nuk iu përgjigj thirrjeve nga agjencia e lajmeve Reuters që kërkonte komente mbi dhunën në fshatin në qytetin Ayonar të Kyonpyaë.
Myanmar ka qenë në kaos dhe ekonomia e tij është paralizuar që kur ushtria rrëzoi qeverinë e Aung San Suu Kyi në shkurt, duke përmendur akuza të pabazuara për mashtrim gjatë zgjedhjeve të vitit 2020.
Përleshjet shpërthyen para agimit të së shtunës në Hlaysëe, rreth 150 km në veriperëndim të qytetit kryesor të Yangon, kur ushtarët thanë se kishin ardhur për të kërkuar armë, tregoi një banor.
“Njerëzit në fshat kanë vetëm harqe dhe ka shumë viktima nga ana e njerëzve“, tha banori, i cili kërkoi të mos identifikohej nga frika e ndëshkimit.
Khit Thit Media dhe Agjencia e Lajmeve Delta thanë se 20 civilë ishin vrarë dhe më shumë të plagosur. Ata thanë se fshatarët ishin përpjekur të luftonin me katapultë pasi ushtarët sulmuan banorët.
