Disa fshatra në Durrës kanë mbetur pa ujë, si pasojë e një defekti në stacionin e pompimit në Fushë-Kuqe.
Më konkretisht furnizimi me ujë të pijshëm është ndërprerë për fshatrat Ishëm, Katund i Ri, Manëz, Rrashbull dhe një pjesë e Shkozetit.
Ujësjellës Kanalizime Durrës bën me dije se defekti ka ardhur si pasojë e ndërprerjes së menjëhershmë të energjisë elektrike.
Punëtorët e UKD ndodhen në terren për të rregulluar defektin, ndërsa kohëzgjatja është e pacaktuar.
“Ujësjellës Kanalizime Durrës njofton se për shkak të një defekti që ka ndodhur në stacionin e pompimit në Fushe Kuqe, do të ketë probleme në furnizimin me ujë në zonën e fshatit: Ishëm, Katund i Ri, Manëz, Rrashbull dhe një pjese e Shkozetit. UKD kërkon mirëkuptimin e qytetareve për këtë situatë të përkohëshme”, njofton UKD.
Kjo situatë bëhet edhe më e vështirë, tashmë që vendi ynë është prekur nga koronavirusi dhe respektimi i higjienës është një nga rregullat bazë për ndalimin e përhapjes së tij.
Aktualisht numri i të prekurve nga COVID-19 në vendin tonë ka shkuar në 223, në mesin e të cilëve 44 të shëruar dhe 11 viktima.
Në 24 orët e fundit u shënuan 11 raste të reja nga 90 testime, shifra këto që tregojnë se kurba është në ulje.
