Sot është zhvilluar takimi i kryeministrit Edi Rama me banorët e lagjes “5 maji”. Banorja Liza Marku, Lorena Nikolla dhe një tjetër zonjë kanë nisur të kërkojnë llogari për shtëpitë e tyre duke ngritur tonet. Kulmi i tensioneve ishte momenti kur flet dhe nënkryetari i Bashkisë Tiranë, Arbjan Mazniku. Banorja Lorena Nikolla tha më herët se Mazniku e kishte quajtur mashtruese dhe ishte përplasur me truprojat
Lorena Nikolla:
Zotit Mazniku i drejtova vetëm një pyetje, nëse ne jetojmë në gropa septike, faji i kujt është i thashë? Dhe Rama më tha, Mazniku nuk ka ardhur këtu, por ka ardhur për mua. Po, në fillim tha ka ardhur për ju, më pas tha ka ardhur për mua. Ai erdhi vetëm për të dorëzuar dosjen që të nxirrte keq zonjën Liza Marku. Ai i tregonte me foto ja ku je, je ti këtu? Ne kemi këtë idenë për të thënë ‘po’, por po me idenë që jam unë këtu dhe jo ‘po’ me idenë që jam njoftuar. Sepse nuk është e vërtetë që jemi njoftuar. Isha shumë e mërzitur dhe Mazniku mu afrua, ja e kisha kaq afër, më drejtoi dhe gishtin. I thashë ‘ul gishtin se nuk kam asgjë me ty’. Më tha çfarë kërkon ti që ke ndërtuar dhe një kasolle. Çdo gjë është filmuar nga një vajzë që ishte aty në kryeministri dhe sigurisht që këto video nuk do të dalin asgjëkundi. Mu afrua aq shumë, dridhej dhe thashë për një moment që do të më gjuante.
