Ish-kryeministri i Kosovës Ramush Haradinaj ka qenë sonte i ftuar në “Open”.
Ndër të tjera, ai nuk ka ndërmend të tërhiqet nga akuzat ndaj Ramës.
Ndonëse kryeministri i Shqipërisë e ka paditur për shpifje Haradinaj vijon të përsërisë se ai ka dashur të bëjë pazare territoresh.
Këtyre akuzave Haradinaj u ka shtuar edhe një person tjetër: Baton Haxhiun.
Ai e ka akuzuar atë si mbështetës të Ramës në nismën e tij.
“Nuk di të ketë diçka të shkruar apo një qëndrim konkret që Edi Rama të jetë pro ndarjes. Shikoni tani ligjërimin që janë bërë një. Keni një qëndrim Ramush Haradinaj, Sali Berisha dhe Ilir Meta“- kundërshtoi Haxhiu.
Pjesë e debatit u bë edhe gazetari Babaramo i cili tha se vetëm 3 veta janë pro ndarjes.
‘Po vetëm ju 3 jeni po Baton. Je ti, Rama dhe Thaçi”.
‘Po unë nuk mund të rri këtu dhe të dëgjoj këtë djalin. Batoni ka qenë i involvuar brenda kësaj çështje. Ka takuar disa persona duke u thënë se kjo është ide e mirë. Si mundet me ardh ndarja e Kosovës në Parlament- tha Haradinaj.
“Ma thoni një person ndërkombëtar që unë kam takuar dhe i kam thënë që ndarja e Kosovës është ide e mirë. Ti e di që e kam sjellë Ramën tek shtëpia jote. Kjo ide e ndarjes është një paaftësi e qeverisë për të plotësuar kërkesat e ndërkombëtareve dhe gjen fajin tek gazetari”-vijoi Baton Haxhiu.
“Kjo vetëm gazetari nuk është. Nuk ka gazetari kur merr përdore një kryeministër edhe e çon tek stëpia e kryeministrit tjetër”- mbylli Babaramo.
