Zgjedhjet lokale janë vetëm tre muaj larg dhe tashmë kanë filluar që të zënë hapësirën e duhur dhe kjo për shkak të situatës së krijuar në vend për shkak të dorëheqjes nga Parlamenti të opozitës.
Ndaj dhe mbrëmjen e sotme Pjerin Nderu ka konfirmuar publikisht se është një nga emrat që do kandidojë për Lezhën.
Nga studio e ABC Nevvs, Ndreu ka thënë se për këtë janë dakord edhe strukturat e PS-së, megjithatë akoma asgjë nuk është zyrtare. Firmën nëse Nderu do jetë apo jo përfaqësuesi i PS në Lezhë do ta marrë vetëm një muaj para zgjedhjeve.
Megjithatë ai thotë se është i përgatitur dhe pret që nga PD-ja të ketë kundërshtar dhe për këtë është gati.
Pjesë nga intervista
Juli Xhokaxhi: Zgjedhjet e pushteti lokal të cilat nuk i di në fakt nëse do të bëhen?
Pjerin Ndreu: Unë e di se do bëhen.
Juli Xhokaxhi: Ti e di se do bëhen, por nuk e di si do bëhen?
Pjerin Ndreu: Data e dasmës është ndarë.
Juli Xhokaxhi: Vjen apo s’vjen dhëndri të marrë nusen është tjetër çështje?
Pjerin Ndreu: Ka kandidatë të tjerë që mund të hyjnë.
Juli Xhokaxhi: Kandidatë të pavarur? Apo do ngrihen forca të tjera politike?
Pjerin Ndreu: Nuk e di se kush mund të jenë, por kandidatë do ketë.
Juli Xhokaxhi: Është folur shumë që ju do jeni kandidat për Lezhën. E konfirmoni?
Pjerin Ndreu: Besoj se po. Akoma nuk është përfundimtare, por me strukturat e PS në Lezhë jemi dakordësuar dhe ka pëlqime dhe në qendër që të jem unë kandidati për zgjedhjet e 30 Qershorit. Për shumë arsye. PS ka 3 mandate që nuk e drejton Bashkinë e Lezhës. Jo për faji e saj, por për një farë kombinacioni që kemi pasur me LSI. Ne e kemi fituar në 2007-n me PD-në, pastaj ata gjetën strehë te PD dhe ikën atje. Pastaj u kthyen prapë te ne. Ne si PS kemi tre mandate që nuk e drejtojmë, çka ka rezultuar fatale për jetën shoqërore të Lezhës. Kanë destabilizuar komplet rolin menaxherial të Bashkisë, duke e kthyer në një bashki rrëmujë me një menaxhim katastrofë.
Juli Xhokaxhi: Më thoni si do ndiheni pa kundërshtar përballë?
Pjerin Ndreu: Unë mendoj se do ketë kundërshtar edhe nga PD. Unë jam përgatit dhe vazhdoj të përgatitem për kundërshtar dhe për të fituar me kundërshtar. Nëse ata vendosin vetë ose me urdhër partiak të dalin nga loja kjo nuk është çështja ime.
