Kejsi dhe Stresi janë emrat më të përfolur aktualisht në mediat rozë. Qëkurse lidhja e tyre është bërë publike, ata janë ndër çiftet më të dashura të showbiz-it shqiptar. Mirëpo duket se dyshja nuk ka arritur ta shijojë siç duhet periudhën e parë pas celebrimit në martesë.
Kjo pasi për shkak të problemeve të Stresit me ligjin ai tashmë ndodhet në burg ndërsa Kejsi në Kanada ku vijon me karrierën e saj.
Por mesa duket për fansat e dyshes së shpejt do të ketë një lajm të mirë, sepse siç ka bërë të ditur nëna e Stresit, çifti së shpejti do mbajë dasmën e shumëpritur.
“Shumë shpejt veshur me të bardha Kejsi. Do jesh nuse kopertinash. Ju dua Stresi & Kejsi.”-ishin fjalët e saj.
Ndërsa Kejsi është shprehur se ndihet krenare se e ka vjehrrë dhe thekson se secila femër do të donte ta kishte një vjehrrë të tillë. Tashmë presim vetëm që Stresi të dalë nga burgu e ta shohim dhëndër! /iconstyle.al/
