Kreu i Partisë Lëvizja për Zhvillim Kombëtar, Dashamir Shehi ka theksuar se nuk do të mbështesë krijimin e komisionit të Posaçëm për të luftuar korrupsionin, një nismë e mazhorancës. Ai argumenton se qeveria, e cila ka 11 vite në pushtet i ka pasur në dorë të gjitha mekanizmat për të luftuar korrupsionin, por nuk e ka bërë.
Postimi i plotë:
Sa i përket aktualitetit, asaj që ndodhi mbrëmë në Kuvend, LZHK gjithë grupi ynë dhe unë si përfaqësues në Parlament nuk jemi dakord me këtë komision ndaj nuk e kemi votuar. Pozicioni i opozitës ka qenë pozitiv që nuk mori pjesë.
U miratua me votat e socialistëve ne e konsiderojmë një dokument të pavlerë.
Nuk ka si lufton korrupsionin një komision, është teatër për t’i hedhur hi syve popullit.
T’i vëmë ujkut mëlçitë në qafë.
Kjo qeveri ka në pushtet 11 vite.
Para dy javësh u aprovua një ligj për transferimin e pronës publike në private me 1001 akrobacira.
Rezoluta është rruga për të gënjyer shqiptarë e ndërkombëtarët. Janë të tjera rrugët për të luftuar korrupsionit dhe mazhoranca mjetet i ka.
Kemi bindjen se kjo rezolutë po bëhet për t’i bërë presion SPAK dhe Gjykatës së Krimeve të Rënda. Ftoj kolegët opozitarë t’i qëndrojnë qëndrimit të djeshëm.
