Angli-Itali do të jetë finalja e Euro 2020 ditën e dielë në Wembley. “Tre luanët” fituan ndaj Danimarkës në një ndeshje që nuk rezultoi aspak e thjeshtë dhe që shtoi listën e ndeshjeve që kanë shkuar me kohë shtesë në këtë kampionat.
Danimarka shokoi të besuarit e Southgate me një supergol të Damsgaard nga goditja e dënimit në minutën e 30-të. Dukej qartë se Danimarka nuk kishte shkuar në Ëembley për t’u mbyllur në mbrojtje, por për t’u përballur me Anglinë si e barabartë dhe këtë e tregoi edhe gjatë ndeshjes.
Përballë emrave të Anglisë presioni ishte i madh gjë që çoi edhe në gabimin e parë që i kushtoi shtrenjtë danezëve dhe që ndryshoi rrjedhën e lojës. Një një përpjekje pëer të ndaluar Sterling, kapiteni Simon Kjaer shënon në portën e vet duke i dhuruar Agnlisë golin e barazimit.
Megjithatë Danimarka nuk u dorëzua dhe arriti ta çonte takimin në kohën shtesë, aty ku lodhja pati ndikimin e saj. Një penallti e diskutueshme i dha avantazhin anglezëve, pasi Kasper Schmeichel e priti fillimisht goditjen e Kane, por nuk arriti të kontrollonte topin duke i dhënë këtij të fundit mundësinë të shënonte.
Pavarësisht eliminimit, Danimarka fitoi respektin e të gjithë tifozëve për paraqitjen e shkëlqyer që bëri në këtë turne duke u përballur si e barabartë edhe me ekipet me emër, pavarësisht një fillimit të vështirë.
Anglia tashmë do të përballet me Italinë në finale në një ndeshje që do të jetë jo më shumë se spektakël i sigurt.
