Votimet në Kosovë janë përmbyllur sipas orarit zyrtar në orën 19:00 të mbrëmjes. Ndërkohë, ka pasur ende qytetarë që prisnin në radhë për të votuar.
Komisioni Qendror i Zgjedhjeve në Kosovë ka bërë me dije se pjesëmarrja deri në orën 19:00 në zgjedhje ka qenë 46.73% të votuesve. Nga 1.8 milionë qytetarë që ka Kosova, 780 mijë qytetarë kanë votuar, teksa votimi nuk është përmbyllur ende sepse qytetarët po presin në radhë. Kjo është një pjesëmarrje e lartë, pavarësisht se zgjedhjet u mbëjtën në kushtet e një pandemie. Ndërkohë, Komisioni Qendror i Zgjedhjeve ka deklaruar në media se procesi zgjedhor nuk është cenuar Gjithashtu, zëdhënësi i KQZ, Valmir Elezi tha në një intervistë se nuk ka pasur mungesë të fletëve të votimit, siç ishte pretenduar me herët.
“Ndodh kur një qytetar nuk e gjen në listë emrin, dhe mund të votojë në një klasë që është vendvotimi dyfishtë. Në raste të tilla, ka apsur qendra votimi në Prishtinë ku qytetarët kan votuar këtë të drejtë. Për këtë arsye ka pasur mungesë të zarfeve që kanë qenë të domosdoshme për votimin me kusht. E zgjidhëm situatën.’’- ka thënë Elezi.
Ndërkohë, për pak priten edhe exit pol-et e para që do të japin një parashikim fillestar për partitë që kanë marrë më shumë vota.
