Nga sot do të ketë rregulla të reja për qytetarët shqiptarë që duan të udhëtojnë drejt Greqisë. Ministria për Evropën dhe Punët e Jashtme ka njoftuar se Greqia ka shtyrë masat aktuale anti-Covid deri më datë 24 janar 2022.

Mësohet se të gjithë shtetasit shqiptarë të cilët do të udhëtojnë drejt Greqisë, pavarësisht kombësisë, pavarësisht në qoftë se janë të vaksinuar ose kanë qenë të diagnostikuar me COVID-19, janë të detyruar të paraqesin test negativ PCR, kryer brenda 72 orëve, përpara udhëtimit, ose test të shpejtë antigjenik, kryer brenda 24 orëve para udhëtimit.

Këto masa vlejnë për të gjithë personat mbi 5 vjeç, pavarësisht se janë vaksinuar apo jo. Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF

Ministria për Evropën dhe Punët e Jashtme njofton se Greqia ka shtyrë masat aktuale anti-Covid deri më datë 24 janar 2022.

Test negativ PCR, kryer brenda 72 orëve, përpara udhëtimit.

OSE

Test të shpejtë antigjenik, kryer brenda 24 orëve para udhëtimit.

Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike https://travel.gov.gr, me të dhënat e tyre të kontaktit në Greqi, përpara mbërritjes.

Masa vlen për të rriturit dhe fëmijët mbi 5 vjeç, pavarësisht nga vaksinimi.

Pikat kufitare të Kakavisë, Kapshticës dhe Qafbotës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.