Qeveria e Perusë rishikoi edhe njëherë shifrat e vdekjeve nga pandemia këtë të hënë, duke e çuar numrin zyrtar në 180,764, që ishte thuajse trefishi I shifrave të deklaruara më parë, duke e bërë atë vendin me normën më të keqe të vdekjeve për frymë, sipas të dhënave të Universitetit Johns Hopkins.
Peruja ka qenë ndër vendet më të goditura të Amerikës Latine gjatë pandemisë COVID-19, me spitalet e saj të mbipopulluara me pacientë dhe kërkesën për oksigjen që tejkalon disponueshmërinë. Ekspertët kishin paralajmëruar prej kohësh se numri i vërtetë i të vdekurve po llogaritej në statistikat zyrtare.
Reuters shkruan se qeveria tha se tani do të azhurnojë numrin e vdekjeve , i cili qëndroi në 69,342 që nga e diela, pjesërisht për shkak të mungesës së testimit që e bëri të vështirë për të konfirmuar nëse një person kishte vdekur për shkak të virusit ose ndonjë shkaku tjetër.
Sipas të dhënave të Johns Hopkins, Hungaria kishte numrin më të keq të vdekjeve për kokë banori COVID-19 me rreth 300 për 100,000 njerëz. Me numrin e azhurnuar të vdekjeve, Peru tani qëndron në më shumë se 500 vdekje COVID-19 për 100,000 njerëz.
“Ne mendojmë se është detyra jonë të bëjmë publike këtë informacion të azhurnuar,” tha kryeministrja e Perusë Violeta Bermudez gjatë një konference shtypi duke njoftuar rezultatin e rishikimit.
Në Amerikën Latine, Brazili ka numrin më të lartë të të vdekurve me më shumë se 450,000 jetë të humbura për shkak të pandemisë. Megjithatë, bazuar në popullsinë, numri i të vdekurve për frymë të Perusë tani është më shumë se dyfishi i Brazilit, sipas të dhënave.
Numrat e azhurnuar të Perusë janë në përputhje me të ashtuquajturat shifra të vdekjeve të tepërta, të cilat studiuesit i kanë përdorur në Peru dhe vende të tjera për të matur nënllogaritjen e mundshme gjatë pandemisë.
Vdekjet e tepërta masin numrin e përgjithshëm të vdekjeve gjatë një periudhe kohore dhe e krahasojnë atë me të njëjtën periudhë para-pandemisë.
