Ministria e Shëndetësisë dhe Mbrojtes Sociale ka përditësuar qytetarët në lidhje me situatën e Covid-19 në vend.
Bëhet e ditur se në 24 orët e fundit janë kryer 242 testime për Covid-19, nga të cilat kanë rezultuar pozitivë me COVID19, përkatësisht 9 qytetarë, 5 në Tiranë dhe 4 në Lushnjë. Fatmirësisht nuk është shënuar asnjë humbje jetë nga Covid-19 në vend gjatë 24 orëve të fundit.
Ndërkohë që njoftohet se janë 211 qytetarë aktivë me Covid-19 në të gjithë vendin. Aktualisht në spitalin COVID3 po marrin trajtim 4 pacientë. Vlen të theksojmë se janë shëruar 12 qytetarë gjatë 24 orëve të fundit, duke e çuar numrin e të shëruarve në 328,124 që nga fillimi i epidemisë. Që prej fillimit të pandemisë në vendin tonë kanë humbur jetën 3593 persona si pasojë e Covid-19.
Kujtojmë se para një jave mjeku imunolog Genc Sulçebe, deklaroi se “sipas studimit të fundit nga Akademia e Shkencave, kemi një përqindje e antitrupave në 92% të popullsisë të përgjithshme. Është nocion relativ, sepse imuniteti i tufës arrihet me faktorë të ndryshëm, plus kanë dalë variante të reja”.
Statistika ( 6 Nëntor 2022) mbi Covid-19 gjatë 24 orëve të fundit në Shqipëri:
Raste të reja ditore 9
Të shëruar në 24 orë 12
Të shtruar në spitale 4
Humbje jete në 24 orë 0
Testime ditore 242
Testime totale 1,999,836
Raste pozitive 331,928
Raste të shëruara 328,124
Raste Aktive 211
Humbje jete 3,593
Shpërndarja gjeografike e rasteve aktive sipas qarqeve:
Tiranë 150
Vlorë 18
Fier 18
Gjirokastër 6
Durrës 5
Berat 5
Shkodër 5
Elbasan 3
Lezhë 1
