Tashmë kemi dalur nga sezoni dimëror dhe duket se masat anti-Covid në shumë shtete po reduktohen ose po hiqen plotësisht.
Vendi i rradhës që i ka hequr plotësisht kufizimet e mbetura ndaj Covid-19 është Hungaria.
Eleminimi i plotë i masave kundër Covid-19 do të thotë se nuk ka më më nevojë për maskë në hapësirat e brendshme të aksesueshme nga publiku ose në transportit publikë.
Hungaria ka hequr tashmë shumë masa të tjera. Edhe pasi valë të mëtejshme të koronavirusit goditën vendin gjatë vjeshtës dhe dimrit, ajo nuk i rivendosi masat kufizuese. Kritikët akuzojnë qeverinë e kryeministrit Viktor Orban për mangësi serioze në përgjigjen ndaj pandemisë.
Theksojmë se nga afërsisht 10 milionë banorët e saj, më shumë se 44 000 persona kanë vdekur deri më tani nga një infeksion me koronavirus. Në të kundërt, në Austrinë fqinje, me 9 milionë banorë, shifra është 15 mijë. Vetëm 63% e hungarezëve janë vaksinuar të paktën dy herë, krahasuar me 74% në Austri.
Kujtojmë që në Shqipëri para një jave u ndryshuan masat anti-Covid. Ndër ndryshimet e njoftuara është heqja e orës policore, një vendim që nga opinioni publik konsiderohet si i vonuar.
Komiteti Teknik i Ekspertëve vendosi që të heqë masën policore e cila ndalonte qarkullimin e qytetarëve nga ora 23:00 deri në orën 06:00 të mëngjesit me përjashtim të rasteve emergjente.
