Mjeku Tritan Kalo, ka folur për politizimin e pandemisë që sipas tij nuk ndihmon në luftën kundër COVID-19. Me anë të një postimi në rrjetet sociale, kalo thotë se politizimi shërbeu si një stërkëmbësh pengues përgjatë përpjekjeve titanike e të rrezikshme nga stafi mjekësor.
Ai thotë se koha do të jetë gjykatësi më i drejtë i punës dhe përpjekjeve të mjekëve, infermierëve dhe punonjësve të sistemit shëndetësor. Kalo ndër të tjera shkruan se politika duhet të qëndrojë larg punës së palodhur dhe të stërmundueshme të bluzave të bardha. Gjithashtu ai shkruan se ky fenomen nuk ka qenë i përhapur vetëm në vendin tonë por edhe në vende të tjera.
Statusi nga Tritan Kalo
Kohë kovidiane…. 7.06.2021….Një intervistë e sotme me Al-Jazzeira International bazuar në Londër….Larg politizimit të punës plot Përkushtim e Profesionalizëm të qindra-mijra Mantelbardhëve e anëtarëve të tjerë të stafit mjeksor, për t’u shërbyer të sëmurëve të prekur nga virusi i Sars-Cov2, përgjatë këtyre 18 muajve të “flamës mbarëbotërore”, Pandemisë së Covid-19…. Politizimet e tejskajëshme kudo në Botë përfshirë edhe vëndin tonë, jo vetëm që NUKU i shërbyen përplasjes me këtë “armik të padukshëm”, por përkundrazi ato ishin “një stërkëmbësh” pengues përgjatë përpjekjeve titanike dhe jetëriskuese të stafit mjeksor….KOHA do të jetë gjykatësi më i drejtë i punës e i përpjekjeve tona….Together forever!!!
Në emër të rendit publik të Kodit të Ri penal: Kush proteston, është “kriminel”
Ky shkrim është pjesë e një serie që analizon draftin e ri të Kodit Penal të Shqipërisë. Në çdo pjesë,...
