Një foto që po qarkullon aktualisht në rrjetet sociale ka marrë vëmendjen e shumë mediave, sidomos atyre gjermane.
Sipas mediave të huaja, bëhet fjalë për një fotografi të cilën e ka rishpërndarë edhe virologu më i mirë gjerman Christian Drosten nga Charité e Berlinit, mbi të cilën ka shkruar: “Kjo është shumë mbresëlënëse”.
Kjo foto është shpërndarë në mediat sociale nga Dr. David Frocester, i cili thuhet se punon në një njësi të kujdesit intensiv në Spitalin Mbretëror Gloucestershire në Mbretërinë e Bashkuar.
Aty shihen shumë ilaçe, të cilat sipas përshkrimit të tij, të gjitha janë të nevojshme për të trajtuar një pacient me Covid-19 për një ditë në njësinë e kujdesit intensiv.
Qetësues, antiinflamatorë, relaksues të muskujve, antibiotikë – ka edhe infuzione të ndryshme dhe preparate të tjera.
Dhe mesazhi i tij është i qartë: “Kjo mund të parandalohet me vaksinim”.
Aktualisht, ekzistojnë disa lloje kryesore të vaksinave ndaj COVID-19.
Vaksinat e m-ARN-së (ARN mesazhere) përmbajnë material nga virusi që shkakton COVID-19 dhe që u jep qelizave tona udhëzime se si të krijojmë një proteinë të padëmshme që është unike për virusin. Qelizat tona pasi bëjnë kopje të proteines, shkatërrojnë materialin gjenetik të ardhur nga vaksina. Trupat tanë e njohin faktin që proteina nuk duhet të jetë aty dhe zhvillojne limfocitet T dhe B të cilet do të kujtojnë se si të luftojmë virusin që shkakton COVID-19 nëse infektohemi në të ardhmen.
Vaksinat me pjesëza të proteinave përfshijnë pjesë (proteina) të padëmshme të virusit që shkakton COVID-19 në vend së të tërë virusit. Pas marrjes së vaksinës, sistemi ynë imunitar njeh proteinat nuk i përkasin trupit dhe fillon të krijojë limfocite T dhe antitrupa. Nëse infektohemi në të ardhmen, qelizat e kujtesës do ta njohin dhe luftojnë virusin.
Vaksinat vektoriale përmbajnë një version të dobësuar të një virusi të gjallë (një virus i ndryshëm nga ai që shkakton COVID-19) që mbart material gjenetik nga virusi që shkakton COVID-19 të futur në të (ky quhet vektor viral). Pasi vektori viral futet brenda qelizave tona, ato fillojne të prodhojne një proteinë që është unike për virusin që shkakton COVID- 19 dhe me tej bejne kopje te kesaj proteine e cila nxit xhvillimin e limfociteve T dhe B që do të kujtojnë se si ta luftojmë virusin nëse infektohemi në të ardhmen.
