Kina e ka mbajtur të fshehtë përhapjen e virusit në një nga qytetet e saj për një kohë shumë të gjatë.
Në këtë konkluzione kanë dalë The New York Times dhe ProPublica të cilat kanë publikuar prova të reja, që konfirmojnë edhe një herë se Pekini ka fshehur të vërtetën rreth Covid-19 nga pjesa tjetër e botës që nga fillimi i pandemisë.
Në artikullin e botuar thuhet se Partia Komuniste Kineze zbuloi ardhjen e një virusi të ri që nga vdekja e një mjeku, i cili më parë e kishte paralajmëruar që në 2019 këtë situatë.
Fill pas vdekjes së tij, virusi u përhap me ritme të shpejta në disa qytet në Kinë, por më shpejtë veproi CCP për ta fshehur këtë fakt nga pjesa tjetër e botës.
Si fillim Partia Komuniste ndaloi mediat që të flisnin për rastin e mjekut që humbi jetën në Wuhan dhe përdori të gjitha mekanizmat që askush mos ta dinte se në disa provinca situata pandemike ishte agravuar.
“Më 7 shkurt, Li Wenliang, mjeku që paralajmëroi për rrezikun e Covid-19, vdiq nga sëmundja për të cilën ai kishte paralajmëruar botën. Ndërsa punonte në Spitalin qendror të Wuhan në provincën Hubei të Kinës, ai vuri re një version të ri të sindromës së rëndë të frymëmarrjes akute të njohur si SARS, i cili gjithashtu filloi në Kinë në 2002.
Ndërsa lajmet për vdekjen e parakohshme të mjekut 34-vjeçar u bënë virale në mediat sociale. Ndërkohë Pekini filloi me shpejtësi për të fshehur të vërtetën. Ata urdhëruan faqet e internetit të lajmeve që të mos publikonin njoftimet që tregonin për vdekjen e mjekut Li. Në tërësi, zyrat e Hangzhou të rregullatorit shtetëror të Pekinit, në institucionin e Administratës së Hapësirës Kibernetike të Kinës, lëshuan më shumë se 3,200 direktiva dhe 1,800 memorandume për censurimin e Covid-19, që të gjitha këto të zbuluara nga grupi i hakerëve CCP Partia Komuniste Kineze”, tregon New York Times.
Sipas të dhënave të raportuara, koronavirusi është zbuluar për herë të parë në Kinë me 17 nëntor të viti të shkuar, ndërsa i gjithë vendi u përfshi nga kolapsi para vitit 2020, dhe jo në prill sikurse u raportua nga CCP.
“Sipas informacionit nga gazeta e pavarur kineze, dhe pasi shqyrtoi dokumentacionin konfidencial të regjimit Xi Jinping, gazeta zbuloi se sa shpejt u përhap virusi në ditët e para të tij.
Që prej rastit të parë i supozuar më 17 nëntor, numri i rasteve është rritur në mënyrë eksponenciale midis të infektuarve me simptoma.
Deri në 15 dhjetor, numri i përgjithshëm i personave me koronavirus ishte 27 persona ndërsa deri në fund të vitit 2019, numri i të infektuarve ishte 266.
Më 1 janar, numri u rrit në 381, sipas të dhënave zyrtare, të cilat gjithnjë e më shumë vihen në dyshim”, tregojnë të dhënat e sigurta nga grupi i hetimit amerikan. Ndryshe edhe shifrat për numrin e të vdekurve faktohet që nuk janë reale./Gazetareforma.com/
