Suedia dhe Danimarka kanë lajmëruar se do të ndërpresin përdorimin e vaksinës Moderna të COVID-19, për grupmoshat më të reja pas raportimeve se mund të ketë efekte anësore të rralla siç është miokarditi.
Agjencia Suedeze e Shëndetit tha të Mërkurën se do të ndalonte përdorimin e terapisë për njerëzit e lindur në 1991 dhe pasi të dhënat treguan për një rritje të miokarditit dhe perikarditit tek të rinjtë të cilët kanë marrë dozën e vaksinës. “Lidhja është veçanërisht e qartë kur bëhet fjalë për vaksinën Moderna Spikevax, veçanërisht pas dozës së dytë,” ka thënë agjencia shëndetësore në një deklaratë për mediat, ku dhe ka shtuar se rreziku i prekjes nga këto sëmundje nuk ishte shumë i lartë.
Anders Tegnell, shefi epidemiolog i Suedisë, tha se agjencia shëndetësore do të vazhdojë të “ndjekë nga afër situatën dhe të veprojë shpejt për të siguruar që vaksinimet kundër COVID-19 të jenë gjithmonë sa më të sigurta dhe në të njëjtën kohë të ofrojnë mbrojtje efektive” kundër sëmundjes. Në Danimarkë, personave nën moshën 18 vjeç nuk do t’u ofrohet vaksina Moderna, ka lajmëruar ditën e sotme Autoriteti i Shëndetësisë në Danimark. Ndër të tjera ka theksuar se të dhënat, të mbledhura nga katër vende nordike, tregojnë se ekziston dyshimi për një rrezik në rritje të inflamacionit të zemrës kur vaksinohen me doza të vaksinës Moderna, megjithëse numri i rasteve të inflamacionit të zemrës mbetet shumë i ulët. Të dhënat paraprake nga studimi nordik i janë Agjencisë Evropiane të Barnave (EMA) dhe tani do të vlerësohen.
Suedia dhe Danimarka kanë sugjeruar për qytetarët e tyre vaksinën Comirnaty, nga Pfizer/BioNTech. Norvegjia tashmë ka rekomandon vaksinën Cominarty për të miturit dhe tha të mërkurën se po e përsëriste këtë, duke nënvizuar se efektet anësore të rralla mund të jenë më të shpeshta për djemtë të cilët janë në moshë të vogël dhe kryesisht pas marrjes së një doze të dytë. “Burrat nën moshën 30 vjeç gjithashtu duhet të marrin parasysh zgjedhjen e Cominarty kur vaksinohen,” tha Geir Bukholm, kreu i kontrollit të infeksionit në Institutin Norvegjez të Shëndetit Publik, në një deklaratë.
Nga ana tjetër një zyrtar finlandez i shëndetësisë ka thënë se Finlanda, pritet të publikoj një vendim ditën e enjte. EMA miratoi përdorimin e Comirnaty në maj, ndërsa Spikevax u rekomandua për fëmijët mbi 12 vjeç në korrik.
