Covid-19 i merr një tjetër personi të njohur. Bëhet fjalë për Komandantin e Komandës Mbështetëse, Ndriçim Sallaku ka humbur betejën me koronavirusin.
Lajmin e hidhur e ka bërë të ditur në ‘Facebook’, ministri i Mbrojtjes, Niko Peleshi. Ai ka nderruar jete ne moshen 55-vjecare.
“Gjeneral Sallaku fitoi çdo sfidë ku shërbeu në Forcat e Armatosura, por fatkeqësisht humbi betejën me COVID-19.”, ka shkruar Peleshi.
Kujtojmë se nga Covid-19 kanë ndërruar jetë policë, infermierë e mjekë, të cilët janë dhe grupet më të ekspozuara nga virusi.
Sa u përket shifrave të infektimeve, vihet re një rënie për shkak dhe të një taktike të ndjekur në uljen e numrit të testimeve. Por mbeten të larta shifrat e shtrimeve në spital dhe qytetarëve që kanë ndërruar jetë nga coronavirusi.
MESAZHI I PELESHIT
Nuk kam fjalë për ndarjen e papritur nga jeta të komandantit të Komandës Mbështetëse, gjeneral brigade Ndriçim Sallaku.
Në kaq pak kohë në krye të Ministrisë së Mbrojtjes, gjeneral Sallaku tregoi se ishte një ndër bashkëpunëtorët më të spikatur, me një sens të jashtëzakonshëm ndjeshmërie për kominitetin, të cilën e tregoi edhe gjatë përmbytjeve të fundit në Nënshkodër dhe Katund të Ri.
Gjeneral Sallaku fitoi çdo sfidë ku shërbeu në Forcat e Armatosura, por fatkeqësisht humbi betejën me COVID-19.
Do të kujtojmë përgjithmonë Gjeneral!
