Prej dy ditësh ekspertë të ndryshëm bëjnë me dije se numri i të prekurve nga Coronavirusi ka rënë, mirëpo statistikat nuk thonë të njëjtën gjë.
Deri më tani raportohet për 1770 viktima nga e gjithë bota dhe mbi 71 mijë të prekur.
Të infektuarit nga virusi vdekjeprurës janë përhapur në shumë vende të botës, si: Shtetet e Bashkuara, Japonia, Britania e Madhe, Rusia e deri në Europë ku është shënuar edhe viktima e parë në Francë.
Sipas CNN kjo është lista e vendeve të prekura nga Coronavirusi dhe numri i personave të identifikuar me Covid-19.
Australia: 15 të prekur
Belgjikë: 1 i prekur
Kambodia: 1 iprekur
Kanada: 7 të prekur
Finlandë: 1 i prekur
Francë: 11 të prekur, 1 viktimë
Gjermani: 16 të prekur
Hong Kong: 56 të prekur, 1 viktimë
Indi: 3 të prekur
Itali: 3 të prekur
Japoni: 51 të prekur, 1 viktimë
Makao: 10 të prekur
Malaizia: 19 të prekur
Nepal: 1 i prekur
Philippines: 3 të prekur 1 viktimë
Rusia: 2 të prekur
Singapor: 72 të prekur
Korea e Jugut: 29 të prekur
Spanjë: 2 të prekur
Sri Lanka: 1 i prekur
Suedi: 1 i prekur
Taiëan: 18 të prekur
Tajlandë: 33 të prekur
Emiratet e Bashkuara Arabe: 8 të prekur
Mbretëri e Bashkuar: 8 të prekur
SHBA: 15 të prekur
Vietnam: 16 të prekur
Egjipt: 1 i prekur
Në vendin tonë deri më tani nuk ka asnjë të diagnostikuar, ndërsa pak ditë më parë ministrja e Shëndetësisë, Ogerta Manastirliu u shpreh se janë marrë masa të plota dhe theksoi se janë gati dhomat e izolimit nëse do kemi raste të të prekurve nga vurisi vdekjeprurës në Shqipëri.
Por, ministria disa ditë më parë tha se nuk mund të deklarojë ku do të jetë karantina për arsye sigurie, ndonëse shumë vende i kanë treguar ato.
Ditën e djeshme u raportua rreth dy vendeve të mundshme ku do të ngrihen karantinat: një mundësi është boshatisja e godinës së shërbimit infektiv në QSUT dhe trasferimi i pacientëve drejt spitaleve të tjera, ndërsa mundësia tjetër është ngritja e një zonë karantinore në pjesën jugore të Tiranës, larg zonës së banuar.
Karantina ngrihet për ato raste që do të dyshohen se janë prekur nga coronavirusi për t’i mbajtur ata të veçuar nga njerëzit e tjerë, duke i ofruar të gjitha shërbimet deri në përfundim të periudhës se inkubacionit e cila është përcaktuar 14 ditë.
