Coronavirusi vijon të gjunjëzojë Italinë, teksa deri tani janë shënuar 1266 viktima dhe janë infektuar 17,660 persona.
Vetëm në Toskana janë shënuar 470 të infektuar: 106 raste të reja gjatë 24 orëve të fundit, mes të cilëve janë 6 mjekë, nga të cilët një mjek i përgjithshëm në gjendje kritike.
Ndërkohë, mediat e huaja shkruajnë se shumica e të infektuarve janë në provincat Lucca dhe Massa Carrara, ku janë respektivisht 79 dhe 65 persona të infektuar.
Totali i personave që janë konfirmuar me Coronavirus në këtë zonë shkoi në 470, nga 364 një ditë më pare, ndërsa janë 101 të prekur në Firence, 48 në Pistoia, 26 në Prato, 79 në Lucca, 65 në Massa Carrara, 51 në Pisa, 27 në Livorno, 16 në Grosseto, 41 në Siena dhe 16 në Arezzo.
Ndërkohë në vendin tonë janë shënuar 33 raste dhe një viktimë, ndërsa numri total i viktimave në gjithë botës ka shkuar në mbi 5,400 persona dhe 145, 335 të infektuar.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenë
