Rritja e çmimit të naftës është pranë niveleve më të larta disa-vjeçare, duke shkaktuar krizë në tregun vendas. Nuk mjaftonte rritja e çmimeve tavan të produkteve e shërbimeve por u rrit me shifra marramendëse edhe çmimi i naftës i cili ka pësuar rritje për herë të shtatë radhazi në vetëm pak muaj.
Qytetarët ankohen çdo ditë në lidhje me këtë rritje çmimi, e cila iu rëndon jo pak xhepat e tyre. Shqetësimin e tyre e kanë shprehur edhe tek profili i “Facebook” i kryeministrit Rama, i cili nuk nguron t’iu përgjigjet.
Ditën e sotme Rama ka replikuar me një qytetar duke i thënë se çmimet rriten kudo, si në Shqipëri, Kosovë e vende të tjera e se është diçka normale që ndodh. Kreu i qeverisë shton se edhe rrogat rriten, por këto të fundit nuk shkojnë përtej mundësive, pasi rrezikohet falimentimi.
Debati mes Ramës dhe qytetarit:
“Shumë mirë që ecën këshillimi, po për cmimin e naftës mund të bëhet ndonjë gjë? Tëe limitohet deri diku, apo kush nuk e perballon dot mos i afrohet karburantËve ? Sinqerisht problem më të madh se cmimi i shportes, karburantit dhe rrogat e ulëta nuk ka në këtë vend. Keto janë parsore , të tjerat pastaj zgjidhen me më terezi” shkruan qytetari.
Ndërkohë kryeministri Rama i është pergjigjur:
Rritja e çmimeve është një problem i përgjithshëm sot, mjafton te shihni Kosovën për te mos shkuar me larg, ndërkohe qe siç kam premtuar ne po mbajmë me shume kosto për buxhetin, mburojën mbi çmimin e energjisë për konsumatorët familjare e biznesin e vogël, qe kudo ka kërcyer e po kërcen lart. Sa për rrogat ato janë rritur e do vazhdojnë të rriten, por rritja e rrogave nuk behet sipas dëshirës sonë, pasi unë i pari do doja t’i rrisja menjëherë te gjitha, por çdo rritje jashtë mundësive, do te thotë falimentim total ne pak muaj si ne kohen e Sudes, prandaj duhet pune e durim, për t’u ngjitur me këmbë ne toke s’ka asnjë rruge tjetër te sigurte.
