Ditën e sotme do të zhvillohet një protestë edhe në Lushnjë, për të ngritur zërin dhe për tu revoltuar në lidhje me çmimete larta në treg.
Pas Tiranës, Shkodrës dhe Durrësit, një protestë kundër rritjes së çmimeve do të mbahet në qytetin e Lushnjes.
Bëhet me dije se protesta është paralajmëruar në orën 17:00 te Rrethrrotullimi i Plugut, duke qëndruar në sinkron edhe me ato që do të mbahen në qytetet e tjera.
Rikujtojmë se një protestë masive u mbajt dje në Tiranë, ku qytetarët qëndruan mbi 2 orë në Bulevardin “Dëshmorët e Kombit” ndërsa në fund u arrestuan 16 prej tyre ndërsa 5 të tjerë u proseduan.
Ndryshe nga protestat e tjera, kjo djeshme e thirrur nga shoqëria civile kishte prezencë edhe të fëmijëve të vegjël pasi familjet i kanë marrë me vete vogëlushët. Një moment një vogëlushe u ngjit në podiumin e improvizuar dhe i bëri thirrje kryeministrit Edi Rama.
“Përshëndetje, unë dua të jetoj në Shqipëri. Por nuk kam si të jetoj në këtë vend kur Shqipëria bëhet një vend kaq i shëmtuar”, tha vogëlushja.
Si rrallë herë ditën e djeshme, shoqëria civile ka reaguar duke protestuar për të drejtat e tyre pasi siç thonë qytetarët e kanë të pamundur të jetojnë me këto çmime që kanë shukuar në stratosferë. Mes qytetarëve bie në sy prezenca e familjarëve ku nuk kanë munguar as fëmijët e tyre të cilët i mbajnë në krah.
