I ftuar sot në “Shqipëria Live”, ishte ish-banori i edicionit të tretë të “Big Brother VIP”, Drini Zeqo. Ai ishte banori i parë që u largua për këtë vit, pasi shkak u bë shëndeti i motrës së tij.
Edhe pse qëndroi pak ditë në shtëpinë e famshme, gazetari kishte për të treguar shumë në këtë intervistë. Ai komentoi sjellën e tij në shtëpi, teksa përmendi se ka qëndruar shumë i urtë.
Po nga ana tjetër, edhe pse ishin shumë pak ditë në shtëpi, Drini shprehet se për banorin që e ka marrë më shumë malli është Heidi.
“Unë nuk kam mësuar gjë, dhe ata që janë futur më vonë se unë nuk kanë fituar ndonjë terren. Ka disa gabime ne sjelljen, duhet të isha më i ashpër me disa personazhe. Me Ilnisën kam qenë më i butë seç duhej. Njihemi prej vitesh me Ilnisën, por nuk jemi miq. Brenda shtëpisë do ndryshoja. Heidi më mungon shumë. Ajo është nga këto natyrat solare dhe shumë e sinqertë, po e shijon bukur”, u shpreh Drini Zeqo në Shqipëria Live.
