Presidenti turk Rexhep Tajip Erdogan ka reaguar në lidhje me karikaturën e revistës së përjavshme franceze “Charlie Hebdo”.
Erdogan ka thënë se nuk ndien aspak trishtim apo zemërim për këto sulme ndaj tij, por e vetmja gjë e trishton është fakti se i njëjti medium është burim i vrazhdësisë ndaj Profetit të cilin e njohin shumë.
“Kam dëgjuar që revista, e cila botoi karikaturat e shëmtuara dhe imorale të botuara me Profetin në Francë, tani po më shënjestron me karikaturën që botoi në kopertinë. Unë nuk e pashë sepse e konsideroj si një mizori respektimin e botimeve të tilla imorale për të parë se çfarë bënë. Kjo është ajo që fyen Profetin tim. Nuk kam nevojë të them asgjë për të korruptuarit. Trishtimi dhe zemërimi im nuk është për shkak të sulmit të neveritshëm ndaj meje, por që i njëjti medium është burimi i vrazhdësisë ndaj Profetit tonë, të cilin ne e njohim shumë,”-ka thënë presidenti Erdogan.
Prej disa kohësh marrëdhëniet e Turqisë dhe Francës nuk janë aspak të mira dhe tensionohen vazhdimisht për shkak të ngjarjeve të fundit që po ndodhin me konfliktin mes Armenisë dhe Azerbajaxhanit apo vetë Turqisë me Greqinë.Por sulmet u infensifikuan pasi një 19-vjeçar i besimit musliman i preu kokën mësuesit të tij në Francë pasi ai foli për karikaturat e e profetit Muhamed të publikuara pak vite më parë në kopertinën e revistës “Chalie Hebdo”.
