Në Bulqizë ka ‘plasur’ një sherr i fuqishëm midis një grupi të rinjsh.
Policia ndërkohë ka arrestuar 2 nga shtetasit që ishin pjesë e sherrit, përkatësisht Besjan Çoku dhe Mirjan Prethi të cilët akuzohen për veprën penale “Plagosje me dashje” pasi kanë goditur me sende të forta dy të rinj.
Bëhet e ditur se koflikti ka ndodhur për motive të dobëta.
Personat me inicialet B. Ç., M. P., D. Ç., dhe S. C., kanë shkuar në ambientet e lavazhit të personit me inicialet E.T., dhe pas një konflikti për motive të dobëta kanë goditur me sende të forta E. T., 34 vjeç, dhe D.T., 25 vjeç, duke u shkaktuar dëmtime në trup. Këta të fundit ndodhen në spital, jashtë rrezikut për jetën.
Gjithashtu uniformat blu kanë shpallur në kërkim edhe dy shtetasit e tjerë Drilon Çoku dhe Silvester Cami të cilët ishin pjesë e sherrit.
Njoftimi i Policisë së Shtetit:
Goditën me sende të forta 2 shtetas, ndërhyrja në kohë e policisë parandalon përshkallëzimin e mëtejshmëm të konfliktit.
Arrestohen në flagrancë dy prej autorëve dhe shpallen në kërkim dy të tjerë.
Shërbimet e Komisariatit të Policisë Bulqizë, pas informacioneve të marra se në lagjen “Gjeologu”, në ambientet e një lavazhi po konfliktoheshin disa persona, menjëherë kanë organizuar punën dhe janë nisur drejt vendit të ngjarjes, ku falë ndërhyrjes së shpejtë kanë parandaluar përshkallëzimin e mëtejshëm të konfliktit.
Nga hetimet e kryera rezultoi se shtetasit B. Ç., M. P., D. Ç., dhe S. C., kanë shkuar në ambientet e lavazhit të shtetasit E.T., dhe pas një konflikti për motive të dobëta kanë goditur me sende të forta shtetasit E. T., 34 vjeç, dhe D.T., 25 vjeç, duke u shkaktuar dëmtime në trup të cilët ndodhen në spital, jashtë rrezikut për jetën.
Në përfundim të veprimeve të para hetimore, specialistët për Hetimin e Krimit në Komisariatin e Policisë Bulqizë, bënë arrestimin në flagrancë për veprën penale “Plagosje e rëndë me dashje” , kryer në bashkëpunim, të shtetasve B. Ç, 26 vjeç; M.P., 27 vjeç, banues në Bulqizë, si dhe janë shpallur në kërkim dhe po punohet për kapjen e shtetasve D. Ç, 29 vjeç; S. C.,26 vjeç, të cilët pas mbërritjes së shërbimeve të policisë në vendin e ngjarjes kanë arritur të largohen.
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
