Kryeministri i vendit Edi Rama, ditën e sotme ka publikuar një lapsus të bërë nga ish-kryeministri Sali Berisha. Në rrjetet sociale Berisha ka shpërndarë një postim të Tritan Shehut dhe në krahë ka shkruar se “shumica e shqiptarëve do të votojnë PS-në”. Këtë gafë të ish kryeministrit e ka vënë re dhe kryeministri aktual i vendit Edi Rama, i cili e ka ripostuar në “Istagram” dhe krahas fotos me ironi shkruan “Çfarë ka barku, nxjerr Facebook-u”.
Kryeministri Edi Rama, vazhdimisht ka publikuar në rrjetet sociale të tij gafa të kundërshtarëve politik. Ai nuk i ka ndalur asnjëherë ironi dhe thumbat për Lulzim Bashën, presidentin Meta, Monika Kryemadhin edhe kandidatë të tjerë për deputet. Të mos harrojmë videon që publikoi Rama kur hapi fushatën zgjedhore, për zgjedhjet e 25 prillit, ku me anë të montazheve “tallej” me kundërshtarët e tij politik.
Kujtojmë se Sali Berisha, ka qenë një ndër liderat elitar të vendit dhe kundërshtari më i madh politik i Edi Ramës. Sali Berisha ka luajtur një rol të rëndësishëm në politikën e vendit.
Ai ka mbajtur postin e Presidentit të Shqipërisë në vitet 1992-1997, më pas Berisha ri-zgjidhet Kryetar i Partisë Demokratike dhe këtë pozicion e mban nga viti 1997 deri, i rizgjedhur në prill 2005 deri në 26 qershor 2013.
Në vitin pasues Berisha e fut Partinë Demokratike në koalicion me partitë e qendrës së djathtë dhe në zgjedhjet e përgjithshme politike të mbajtura në pesë raunde në periudhën qershor-gusht 2001 zgjidhet drejtues i koalicionit. Megjithëse misioni vëzhgues ndërkombëtar OSBE / ODIHR i quajti këto zgjedhje të manipuluara, koalicioni fitoi 37 % të votave. Berisha ka qenë kryeministër i vendit nga viti 2005-2013
