Kryeministri Edi Rama ka deklaruar se vendi do i nënshtrohet masave të reja kufizuese ndaj luftës anti-covid.
Në konferencën e zhvilluar mesditën e sotme, Rama lajmëroi se nesër do të do të mblidhet Komiteti Teknik, i cili do të bëjë zyrtare dhe masat e reja kufizuese.
Ai theksoi se më shumë se sa numrat, më shqetësuese është moszbatimi i masave aktuale që çon në problemet e tjera, duke përmendur sërish baret dhe restorantet si problematikët në këtë situatë pandemike.
“Prandaj do ketë një shtrëngim të masave. Komiteti teknik do mblidhet nesër dhe ne do presim konkluzionet, ata po diskutojnë, kemi diskutuar, janë të shqetësuar, do ketë shtrëngim të masave patjetër. Por këtu thelbi është se ata insistojnë që duhen zbatuar masat që janë, nëse njerëzit vënë maskat, njësitë tregtare zbatojnë protokollet, ora p olicore respektohet, lokalet nuk vazhdojnë ahgenun, gjërat janë në rregull”, tha Rama nga konferenca.
Sipas tij, masat nuk i shamngin dot infektimet, por ulin ritmin e tyre duke garantuar që sistemi i përgjigjet nevojës së njerëzve për të marrë shërbimin shëndetësor.
Pjesë nga fjala në konferencë:
“Pse u mbyllëm atëherë dhe pse nuk mbyllemi sot apo se ka zgjedhje. Është thënë nga e gjithë bota, masat nuk do ta shmangin dot infektimin, masat shërbejnë vetëm për një gjë, për të ulur ritmin e infektimit dhe për të garantuar që sistemi i përgjigjet nevojës së njerëzve për të marrë shërbim.
Infektimi do të mbarojë kur të mbarojë vaksinimi, kaq e thjeshtë, të gjitha të tjerat janë dinamika mbi bazën e të cilat shtet ndërmarrin hapat e tyre. Se u mbyll Gjermania fundvitin e kaluar e pati një rritje të madhe të infektimeve, që u bë objekt i një diskutimi shumë të madh, kështu që këto janë masa që vlerësohen në dinamike, që i sugjerojnë jo gazetarët e analistët e politikanët, por ekspertët e ne veprojmë mbasi kemi dëgjuar me shumë vëmendje.
Ne nuk jemi të shqetësuar për numrat, ne jemi të shqetësuar për faktin që mos zbatimi i masave mund të çojë në rritje të numrave përtej asaj që ka qenë në parashikim, kjo që po ndodh është brenda parashikimit se ne patëm një periudhë aspak të favorshme menjëherë pas festave e sikur mos kishim marrë ato pak masa që morëm do ishim sot me numra më të mëdhenj. Këto janë efektet e ëeekend-eve deve masive në Korçë e Gjirokastër e me radhë.
Megjithatë jeta vazhdon nuk mund të ndalojmë jetën e përditshme të njerëzve se edhe sikur ta bëjmë këtë, do duhet të presim nuk e di sa kohë brenda mbyllur.
Nuk mundemi dot të rrimë të gjithë mbyllur brenda të presim të iki virusi, virusi nuk ikën këtu është çështja.
Prandaj do ketë një shtrëngim të masave, komiteti teknik do mblidhet nesër ne do presim konkluzionet, ata po diskutojnë, kemi diskutuar, janë të shqetësuar, do ketë shtrëngim të masave patjetër por këtu thelbi është e ata insistojnë që duhen zbatuar masat që janë, nëse njerëzit vënë maskat, njësitë tregtare zbatojnë protokollet, ora p olicore respektohet, lokalet nuk vazhdojnë ehgenun, gjërat janë në rregull”.
