Ditën e sotme ish-kryeministri Sali Berisha është thirrur nga SPAK për t’u marrë në pyetje në lidhje me çështjen e privatizimit të ish-kompleksit Partizani.
Seanca do të mbahet në orën në 10:00, ndërkohë që Berisha prej datës 30 dhjetor të vitit të kaluar ndodhet në masën e ‘arrestit shtëpiak’.
Ishte e bija e tij, Argita Malltezi ajo që deklaroi në një dalje për mediat se ish-kryeministri do të paraqitet në SPAK, ndërkohë ai vetë nuk ka dhënë asnjë koment lidhur me këtë. Mësohet se në mbështetje të tij do të shkojnë dhe deputetë të opozitës.
Kujtojmë se kjo do të jetë hera e parë që Berisha shkon në SPAK për t’u marrë në pyetje për këtë çështje, ndërkohë më herët ai nuk ka pranuar të paraqitet siç e përcaktonte ligji në kohën kur ndaj tij ishte caktuar ‘detyrim paraqitje’.
