Pas një debati gati 2-vjeçar, më 8 maj qeveria me vendim të Këshillit të Ministrave ia kaloi Bashkisë së Tiranës truallin e Teatrit Kombëtar, për të ndërtuar një teatër të ri.
LEXO: Pas dy vitesh debat, qeveria merr vendimin për Teatrin Kombëtar
Pavarësisht se aktorë të shumtë, presidenti Ilir Meta, opozita e kanë kundërshtuar ashpër këtë vendim, kryeministri Edi Rama ka deklaruar se nuk bën asnjë hap pas.
Nga ana tjetër, Aleanca për Mbrojtjen e Teatrit është shprehur se nuk do e lejojë këtë gjë, e ka paralajmëruar përplasje e gjakderdhje, duke thënë se artistët do rezistonin dhe nëse do kishte dhunë nga ana e Policisë, ata do i përgjigjeshin me dhunë.
Ditën e djeshme u raportua se të hënën do mblidhet edhe Këshilli Bashkiak i Tiranës, ku pritet votimi për prishjen e Teatrit.
LEXO: Teatri Kombëtar: Shtyhet mbledhja e Këshillit Bashkiak, ja çfarë do diskutohet të hënën
Së fundmi, rreth kësaj çështjeje ka reaguar edhe ambasada britanike.
Ambasadorja Mariya Gabriel ka shkruar në një postim në Twitter se mbështet thirrjet për dialog mes palëve të përfshira në përballjen për Teatrin Kombëtar.
Mesazhi i plotë:
Ne përkrahim thirrjen e komisionarit evropian Gabriel për dialog dhe të gjithë personat e përfshirë duhet të lejojnë kohë e hapësirë që kjo të ndodhë në mënyrë kuptimplotë. Dialogu nuk shkon kurrë dëm, sidomos në këto kohë të trazuara.
Dialogue with civil society and experts of #cultural heritage is necessary before taking an irreversible decision on #NationalTheatre #Tirana.
We strongly encourage all relevant national institutions to engage now in a constructive dialogue with heritage stakeholders. pic.twitter.com/DurTplnXdg— Mariya Gabriel (@GabrielMariya) May 15, 2020
Më herët ditën e sotme reagoi edhe Komisionerja e BE-së për Kulturën Mariya Gabriel, e cila kërkoi dialog me aktorët dhe shoqërinë civile para se të merret një vendim përfundimtar.
Po ashtu, Prokuroria e Posaçme Kundër Korrupsionit dhe Krimit të Organizuar, SPAK ka nisur hetimin lidhur me kallëzimin e kryer nga Aleanca për Mbrojtjen e Teatrit, Aleanca për Mbrojtjen e Teatrit ndaj kryetarit të Bashkisë së Tiranës, Erion Veliaj dhe nënkryetarit Arbjan Mazniku.
Drejtuesi i SPAK, prokurori Arben Kraja, i tha BIRN se ka një procedim penal të regjistruar mbi bazën e kallëzimit të artistëve, por se nuk ka emër të regjistruar.
Më 6 maj, AMT kallëzoi pranë SPAK, Veliajn dhe Maznikun për “shpërdorim detyre” dhe “korrupsion pasiv të zyrtarëve që kryejnë funksione publike”.
