Pasditen e djeshme, u mbajt ceremonia e 32 vjetorit të themelimit të Partisë Demokratike.
Pjesë e kësaj ceremonie ishin figura të njohura të Partisë Demokratike, mbështetës e studentë të Lëvizjes së Dhjetorit.
Anëtarët e Kryesisë së PD dhe simpatizantët ishni prezent në këtë ceremoni ku dhe u përcollën mesazhe shumë të qarta përsa i përket aksionit të opozitës, në rrëzimin e regjimit të kryeministrit Edi Rama.
Pjesë e kësaj ceremonie ishte edhe aleati i Sali Berishës, kryetari i Partisë së Lirisë, Ilir Meta.
Një nga momentet më pikante të kësaj ceremonie ishte edhe një foto e përbashkët, ku anëtarët së bashku me Sali Berishën pozojnë të gjithë me syze.
Ndërkohë kreu i PD mbajti një fjalim të gjatë, në këtë ceremoni, duke përmendur kontributin e PD ndër vite, duke u ndalur gjithashtu edhe tek sfidat, uljet dhe ngritjet e kësaj force politike. Nga ana e tij nuk munguan edhe kritikat ndaj kryeministrit Edi Rama për të cilin tha se e ka çuar vendin drejt diktaturës dhe narkotrafikut. Berisha dha një mesazh të qartë, duke u shprehur i bindur se Partia Demokratike do t’i shkojë deri në fund misionit të saj për të vendosur zgjedhjet të lira dhe të ndershme në Shqipëri, ndërsa theksoi edhe moton: “Jetën e japim, por votën nuk e japim”.
