Koreja e Jugut po përballet me një krizë të thellë politike pas tentativës së presidentit Yoon Suk-Yeol për të shpallur ligjin ushtarak, një lëvizje që u cilësua nga analistët dhe opozita si një grusht shteti i dështuar. Vendimi, që qëndroi në fuqi për vetëm gjashtë orë përpara se të rrëzohej nga Parlamenti, shkaktoi protesta të shumta dhe vuri në pikëpyetje të ardhmen e tij në detyrë.
Moti i shpalljes së ligjit ushtarak ishte përpjekja e presidentit për të mbrojtur veten dhe gruan e tij, Kim Keon-hee, nga akuzat për korrupsion dhe abuzim me pushtetin. Skandali nisi kur një video tregoi gruan e presidentit duke pranuar një çantë Dior 2200 dollarë nga një pastor koreano-amerikan. Pavarësisht përpjekjeve të Yoon për të minimizuar situatën, duke e quajtur dhuratën “shumë të këndshme për t’u refuzuar”, kjo deklaratë vetëm sa ka thelluar krizën, duke u bërë një simbol i abuzimit me pushtetin.
Skandali ndikoi rëndë në popullaritetin e presidentit dhe rezultoi në një humbje të madhe për partinë e tij në zgjedhjet legjislative të prillit.
Si pasojë, opozita kërkoi dorëheqjen e Yoon dhe ka paraqitur një mocion për shkarkimin e tij, duke ngritur shqetësime për stabilitetin politik të vendit.
