Gazetari Arian Çani ka qenë i ftuar mbrëmjen e djeshme në studion e emisionit “Open”, ku është treguar shumë i ashpër në deklaratën e tij.
Çani ka folur në lidhje me situatën e rënduar poltike në vendin tonë, ku ka thënë se vetëm kur në Shqipëri të ketë të vrarë për të drejtën e votës, atëherë vendi do të ketë shpëtuar.
E ndërsa për mbajtjen e zgjedhjeve në datën 30 qershor, gazetari është shprehur se ende nuk dihet nëse do të ketë zgjedhje ditën e diel apo jo.
Ai tha se është e pavlerë të diskutohet për tërheqjen e komisionerëve të Këshillit të Europës, pasi gjërat në Shqipëri janë bërë mullar.
Gazetari është shprehur:
Kur në këtë vend do të vijë dita që do të ketë të vrarë për të drejtën e votës, atëherë ky vend do të ketë shpëtuar. Kur them të vrarë flas për njerëz që ngrihen në protestë për të arritur këtë kauzë që është e drejtë. Ju mendoni që mund t’i fitoni këto të drejta dhe këto liri pa sakrifica?”
Ndërkohë që në vend situata politike vazhdon të jetë ende e rënduar dhe ende nuk dihet në do të mbahen zgjedhjet në 30 qershor, pas nga njëri krah kryeministri Rama deklaron se zgjedhjet do të bëhen me çdo kusht, kurse nga krahu tjetër kreu i PD-së, Basha thotë se nuk do të ketë zgjedhje.
“Mendimi im është ky: Këtu është bërë gjëja aq shumë mullar dhe kjo është gjëja më kot, që s’erdhi Këshilli i Europës. Mullari është ky: “Që kemi një datë, ku njëra palë thotë do shkojmë do bëjmë zgjedhje, pala tjetër thotë këto janë votime. Këtu fillon në njëfarë mënyre konflikti i 10 viteve të ardhshme. Hyjmë në një epokë të re 2020-2030” , është shprehur më tej Çani.
