Ministria e Mbrojtjes ka njoftuar se trupi i pajetë i majorit Klodian Tanushi, i cili ndërroi jetë gjatë misionit në Letoni mbërrin të mërkurën në atdhe.
Mësohet ndër të tjera se homazhet në nder të tij do të zhvillohen ditën e enjte në datë 16 maj.
“Mirëdita, ditën e mërkurë, datë 15, në mesdite në Aeroportin “Nënë Tereza”, pritet të mbërrijë me avion ushtarak trupi i pajetë i major Klodian Tanushit, i rënë në krye të detyrës në misonin e NATO-s në Letoni.
Homazhet në nder të major Tanushit do të zhvillohen ditën e enjte datë 16, në hollin e Pallatit të Kongreseve.”-njofton Ministria e Mbrojtjes.
Shpërthimi i një mine në kampin “Adazi” të Letonisë u mori jetën dy ushtarakëve shqiptarë, Zarife Hasanaj dhe Klodian Tanushit. Ky i fundit ndërroi jetë katër ditë pas ngjarjes së rëndë në një nga spitalet e Letonisë për shkak të lëndimeve të shumta.
Pak javë me parë, kontigjenti shqiptar fitoi garën e zhvilluar në bazën ushtarake Camp Adazi si ekipi me i mirë në vrap. Fotoja me kupën e fituar dhe që e mban në dorë majori i ndjerë Klodjan Tanushi, i përket pikërisht asaj dite.
Lajmin e rëndë prindërit e major Klodian Tanushit e mësuan nga shefi i Shtabit të Përgjithshëm, gjeneralbrigadë Bardhyl Kollcaku si dhe zv.shefja e SHPFA, gjenerale Manushaqe Shehu.
