Në një fjalim gjatë protestës para Bashkisë së Tiranës, Silva Caka nga Partia e Lirisë akuzoi Erion Veliajn dhe bashkinë e tij për korrupsion dhe keqmenaxhim.
“A e keni dëgjuar Erion Veliaj sesi e thërret bashkinë që ai drejton, kohët e fundit? Organizatë!” pyeti Caka. Ajo shpjegoi se fjala “organizatë” në të gjitha fjalorët e botës do të thotë një grup njerëzish të organizuar për një qëllim të caktuar. “Do të thoni ju që qëllimi është vjedhja. Jo! Ne e ulim shumë qëllimin e tij nëse themi që është vetëm vjedhja. Erion Veliaj, drejtorët e tij dhe punonjësit e korruptuar të bashkisë së Tiranës janë organizatë terroriste!”
Caka vazhdoi duke theksuar se Veliaj ka mbartur 60 milionë euro nga buxhetet e viteve të kaluara, të cilat duhet të ishin investuar për përmirësimin e shërbimeve publike. “Atëherë çfarë është ky? Ky është terror mbi qytetarët që të paguajnë, që të rripen dhe vidhen çdo ditë e më shumë!” përfundoi ajo.
