Ish-deputeti i Partisë Demokratike, Oerd Bylykbashi duke komentuar zgjedhjet e ardhshme të 25 prillit 2021, tha për ABC news se një ditë më vonë, në 26 prill do jetë opozita që do e ketë pushtetin, por mbetet për t’u parë nëse do të fitojë thellë apo me rezultat të ngushtë. Megjithatë ai ngriti alarmin për manipulimet që po përpiqet të bëjë Rama me emigrantët.
“Ne kemi edhe mesazhe që kanë çuar eksponentë të lartë të PS-së për organizimin e strukturave të tyre për të thirrur emigrantët e tyre. Psh një nga 4 koordinatorët që ka caktuar qeveria për emigrantët është ish-drejtuesi i PS-së në Itali. Ai do të koordinojë emigrantët në Itali.
Pra janë duke bërë gati regjistrimin e vetëm votuesve socialistë. Kjo është skandaloze. Por nga ana tjetër ju keni psh, drejtuesi i postës shqiptare është një nga funksionarët më të lartë në sekretariatin e PS-së. Por kemi edhe dicka tjetër, KQZ duhet të bëjë një sistem të ri votimi nga fillimi” tha ai.
Biometrinë, demokrati e cilësoi si garanci për të shmangur mbushjen e kutive duke justifikuar koston. Bylykbashi kishte një këshillë për kryetarin e partisë, Lulzim Basha. “Duhet të bëjmë kujdes që deputetët ti kenë rrënjët në elektoratin e tyre në mënyrë që të marrim maksimumin” tha ai. Megjithatë për rezultatin e zgjedhjeve, Bylykbashi ka vetëm një dilemë; “Çështja është që Edi Rama, humbet thellë apo ngushtë” tha ai.
Për shkak të situatës nga pandemia, Komiteti Teknik vendosi ndalimin e aktiviteteve politike, por Bylykbashi thotë se në periudhën e hapjes së fushatës, pra 30 ditë para zgjedhjeve kjo nuk ka vlerë pasi “Prelavon Kodi zgjedhor mbi aktin normativ”.
