Zëvendësguvernatorja e Bankës së Shqipërisë, Luljeta Minxhozi, ka bërë publik opinionin e Bankës së Shqipërisë mbi projektbuxhetin për vitin 2025, duke theksuar nevojën për një monitorim të vazhdueshëm të tregut financiar.
Minxhozi shpjegoi se tregu financiar është i ndjeshëm ndaj shpërndarjes së pabarabartë të huamarrjes nga ana e qeverisë në tregun e brendshëm. Ajo theksoi se është e domosdoshme që të bëhet një monitorim i vazhdueshëm për të garantuar stabilitetin e tregut.
“Shpërndarja e pabarabartë e huamarrjes nga qeveria ndikon në tregun financiar. Kërkohet një monitorim i vazhdueshëm dhe bashkëpunimi i Ministrisë së Financave me Bankën e Shqipërisë do të ndihmojë në mobilizimin e tregut financiar dhe do të mbështesë qeverinë në huatë e brendshme,” u shpreh Minxhozi
