Ish-ministri i Jashtëm, Ditmir Bushati ka folur për përjashtimin e tij nga listat e Partisë Socialiste për zgjedhjet e 25 prillit në emisionin e Adi Krastës. Vendimi për përjashtim sipas Bushatit ka qenë i padrejtë megjithatë nuk është një çështje që e ka gjetur të papërgatitur. Bushati ka thënë se vendimi nuk është mbështetur në logjikë normale, duke iu referuar kontributit të tij në PS dhe rezultatet historike që socialistët arritën në Shkodër në vitin 2017. Ish-ministri është shprehur se qëndrimet e tij kanë qenë shumë të qarta sidomos për influencën e krimit në politikë dhe përqendrimit të pasurisë në një grup të vogël njerëzish.
“Nuk ka qenë një çështje e cila më ka gjetur e papërgatitur. Vetes i njoh disa instikte dhe nuhatje në politikë dhe e kam pritur se do të vinte ky vendim i Edi Rama do të më përjashtonte nga lista e kandidatëve të PS-së për zgjedhjet e 25 prillit. Në gjykimim tim e shikoj të padrejtë këtë vendim, një vendim i pambështetur në një logjikë normale, pasi i referohem mënyrës se si kam qenë në politikë, kontributim tim në PS, për rezultatet në zgjedhje në Tiranë dhe për rezultet historike të PS në Shkodër në zgjedhjet e 2017. Qëndrimet e mia, pavarësisht funksioneve që kam mbajtur, qoftë edhe në ata mbledhje në PS apo në qeveri, kanë qenë shumë të qarta si për pyetjet që ju më ushtruat, sidomos për influencën e krimit në politikë dhe përqendrimi i pasurisë në një rreth të vogël njerëzish.”- ka thënë Bushati.
Kujtojmë që Ditmir Bushati mbeti jashtë listave të Partisë Socialiste për zgjedhjet e 25 prillit, madje për këtë pati edhe një debat me Ramën ku ky i fundit e bëri Bushatin përgjegjës për këtë “zbritje nga treni” për shkak të qëndrimeve të tij.
