Në kuadër të projektit të “Unazës së Madhe” në zonën e ‘5 Majit’, qindra banesa janë projektuar për t’u shembur nga IMT. Një pjesë e banorëve nuk kanë pranuar kontratat e propozuara nga bashkia, ku thuhet se do të përfitojnë kompensim të plotë nëpërmjet shkëmbimit të pronës së tyre me objektet e reja që do të ndërtohen në lagjen e re me të njëjtat metra katror. Sipas tyre ajo është e njëanshme dhe nuk ka vlerë ligjore.
Ndërkohë qeveria ka deklaruar se banorët që preken nga ndërtimi i lagjes së re në zonën e “5 Majit” do të dëmshpërblehen 100 % për pronën e tyre.
“Të gjithë personat që kanë pasur një pronë në emrin e tyre, do të marrin metrat e ndërtimit që kanë pasur dhe plus për tokën. Ata që kanë qenë në proces legalizimi do përfitojnë të gjithë metrat e objektit. Një pjesë ka firmosur kontratat”, është shprehur nënkryetari i bashkisë së Tiranës, Arbjan Mazniku.
Pas takimit që pati javën e kaluar me kryeministrin Rama, nënë Liza, tashmë simbol i protestës së banorëve të “5 Majit” u shpreh: “Unë refuzoj ndihmën me taksat e popullit, unë e kam bërë shtëpinë vetë me djersën e djemve dhe vajza të mija dhe s’ka të drejtë të ma marri askush”.
Në fakt nënë Liza tha një të vërtet të hidhur, që kostoja e akomodimit dhe “qetësimit të gjakrave” të banorëve të “5 Majit” bie mbi taksapaguesit shqiptarë. Shpenzimet për qiranë, për projekte dhe rregullime i paguajmë ne nëpërmjet taksave ndërkohë që miqtë e Veliajt bëjnë “kërdinë” me shitjet e apartamenteve.
Ajo që bën përshtypje është se kompania “SON Engieering Construction do të jetë ajo që me “bujarinë” e saj do të strehojë banorët e “5 Majit” në banesat që kryeministri Rama iu ka premtuar.
Por duhet të theksojmë faktin se pas kësaj kompanie fshihet një mik i Veliajt dhe se projektet bëhen përpara se tenderat të dalin nga Bashkia e Tiranës. Tenderat e Bashkisë i merr vetëm SON (shoku i Erion Veliajt, dhe pjesë e pagesës shkon direkt në xhepat e tij), ai është gjithnjë pas tenderave që fiton studio dhe projektet bëhen që përpara se të dalin tenderat në bashki.
Kujtojmë së banorët e “5 Majit” javën e kaluar kanë depozituar një kallëzim penal në Prokurorinë e Posaçme. Përfaqësuesja e tyre ligjore, Adriana Kalaja në një deklaratë për mediat ka bërë me dije se kanë bërë kallëzim penal ndaj kryeministrit Edi Rama, Arben Ahmetajt, Elisa Spiropalit, Erion Veliajt, Gledis Nanos dhe Artan Lames. Ajo thotë se kush është e përfshirë në këtë aferë duhet t’i nënshtrohet hetimit, ndërsa ka shtuar se rindërtimi nuk është në interes të qytetarëve.
Një tjetër çështje që ngrihet për diskutim është lidhet me faktin nëse banorët e
“5 Majit” e fitojnë gjyqin që kanë ngritur ndaj institucioneve të lartpërmendura.
Përsëri kostot e dëmshpërblimit të tyre bien në kurriz të shqiptarëve.
