Aleanca për Mbrojtjen e Teatrit i ka kërkuar ditën e sotme Presidentit Ilir Meta, që të mos e dekretoj si kryeministër Edi Ramën, pasi sipas tyre ka kryer vepra penale.
Aktori dhe regjisor, Edmond Budina ka thënë se ndoshta Aleanca për Mbrojtjen e Teatrit ndoshta e ka tepruar me denoncime dhe kallëzime, por ndër të tjera ka theksuar se ndoshta ata janë opozita e vërtet e këtij vendi. Budina ndër të tjera ka thënë se aksionet do të bëhen më të forta si nga opozita ashtu edhe nga qytetarët, pasi sipas tij nuk mjaftojnë vetëm denoncimet, por duhen edhe aksione ndaj qeverisë.
”Jemi këtu te Presidenti dhe vazhdojmë betejën si qytetarë të këtij vendi. Ndoshta e kemi ekzagjeruar. Jemi opozita e vërtetë në këtë vend. I bëj thirrje partive opozitare, nuk mjafton denoncimi i fakteve, por aksione. Aksionet duhet të bëhen më të forta, si nga opozita dhe nga qytetarët. Ne do të vijojmë në të njëjtën rrugë. E pamoralshme që një parlament i paligjshëm shkarkon Presidentin dhe vjen po te Presidenti për të marrë miratimin për të qeverisur.
Presidenti i Republikës e ka zbatuar Kushtetutën, të vazhdojë ta respektojë Kushtetutën e ligjet. Shekelen e nëpërkëmbën këtu. Është bërë një lidhje e pandashme e mafies me politikën. Nuk jemi të blerë, as nga Presidenti, as nga pozita as nga opozita. kërkojmë të drejtën si qytetarë. ”- tha Budina.
