Një lajm i trishtë vjen nga Buckingham Palace. Në një njoftim pallati mbretëror i Britanisë ka bërë me dije se Mbreti Charles III është diagnostikuar me kancer.
Diagnoza u shpall së fundmi teksa Charles iu nënshtrua trajtimit për një prostatë beninje të zmadhuar.
“Gjatë procedurës së fundit spitalore të mbretit për zgjerimin beninj të prostatës, u vu re një çështje shqetësuese. Testet e mëvonshme diagnostikuese kanë identifikuar një formë kanceri. Madhëria e tij ka nisur sot një orar trajtimesh të rregullta, kohë gjatë së cilës mjekët e këshillojnë që të shtyjë detyrat me publikun”, thuhet në një deklaratë të Buckingham Palace.
