Kryeministri Edi Rama në konferencën për mediat, iu përgjigj interesit të gazetarëve edhe për përzgjedhjen e Erjon Braçes në postin e zv/kryeministrit.
Rama tha se zgjedhja e tij ishte gjëja e duhur.
“Erjon Braçe, besoj se tregon të kundërtën e asaj që propagandohet. Jam një person që dëshiroj të punoj e rrethohem nga njerëz që janë dakord me mua për gjithcka. Brace është një provë fantastike që rrëzon këtë propagandë se si i shikoj unë marrëdhëniet me bashkëpunëtorët. Ajo që shihni në debate në televizor, është 1 e 100 e asaj që ndodh ne debatet tona të brendshme.
Jemi një familje që kundërshton e bëjnë mirë dallimin mes qëllimit të përbashkët. Nuk ka ndan programi, na bashkon programi, qëllimi vizioni pork a debate për mënyrën më të mirë të realizimit të programit. Dua t’i them gjithë atyre që kanë kërkuar arsye dhe argumenta për ta goditur zgjedhjen e Braçes: I merrni të keqen të gjithë. Për ju ai rron 2000 mijë vjet se unë rroj 1000.”- u shpreh Rama.
